Top Google Searches: ఈ ఏడాది గూగుల్‌లో భారతీయులు ఎక్కువగా వెతికినవి ఇవే!
- 2023 గూగుల్ సెర్చ్ ట్రెండ్స్‌పై నివేదిక విడుదల
- భారత్‌లో చంద్రయాన్-3 గురించి నెటిజన్లు అత్యధికంగా సెర్చ్ చేశారన్న గూగుల్
- ఆ తరువాతి స్థానాల్లో కర్ణాటక ఎన్నికలు, ఇజ్రాయెల్ వార్తలు
ఈ ఏడాది ముగింపునకు వచ్చేసింది. కొత్త ఏడాదికి స్వాగతం పలికేందుకు ప్రపంచం సన్నద్ధమవుతోంది. ఈ క్రమంలో ఏడాది కాలంగా జరిగిన అనేక విషయాలపై సమీక్షలు కూడా మొదలయ్యాయి. ఈ నేపథ్యంలో గూగుల్ తాజాగా ఈ సంవత్సరం గూగుల్ సెర్చ్ ట్రెండ్స్‌పై నివేదిక విడుదల చేసింది. ఇండియాతో పాటూ ప్రపంచవ్యాప్తంగా జనాలు గూగుల్‌లో ఏ అంశాలను వెతికారో వెల్లడించింది. గూగుల్ వివరాల ప్రకారం గూగుల్ ఇండియా సెర్చ్ ఫలితాల్లో చంద్రయాన్-3 తొలి స్థానంలో నిలిచింది.
భారత్‌లో జనాలు గూగుల్‌లో అత్యధికంగా వెతికిన అంశాలు:
- చంద్రయాన్-3
- కర్ణాటక ఎన్నికల ఫలితాలు
- ఇజ్రాయెల్ వార్తలు
- సతీశ్ కౌశిక్
- బడ్జెట్ 2023
- తుర్కియే భూకంపం
- ఆతిక్ అహ్మద్
- మాథ్యూ పెర్రీ (అమెరికన్ టీవీ నటుడు)
- మణిపూర్ న్యూస్
- ఒడిశా ట్రైన్ యాక్సిడెంట్