Hyderabad Metro: నాంపల్లి ఎగ్జిబిషన్ నేపథ్యంలో.. రైళ్ల సమయాలను పెంచిన హైదరాబాద్ మెట్రో

01-01-2024 Mon 15:38 | Andhra

కాసేపట్లో నాంపల్లి ఎగ్జిబిషన్ ను ప్రారంభించనున్న రేవంత్ రెడ్డి
ఫిబ్రవరి 15 వరకు కొనసాగనున్న నుమాయిష్
సందర్శకుల కోసం రైళ్ల సమయాలను పెంచిన హైదరాబాద్ మెట్రో

హైదరాబాద్ మెట్రో రైళ్ల సమయాలను పెంచారు. నాంపల్లిలో జరుగుతున్న నుమాయిష్ ఎగ్జిబిషన్ సందర్శకుల కోసం రైళ్ల సమయాలను పొడిగించారు. మియాపూర్ - ఎల్బీనగర్, నాగోల్ - రాయదుర్గం మార్గాల్లో చివరి మెట్రో రైలు రాత్రి 12.15 గంటలకు మొదలై 1 గంటకు గమ్యస్థానాలకు చేరుకుంటాయి.

ఈరోజు సాయంత్రం ఎగ్జిబిషన్ ను ముఖ్యమంత్రి రేవంత్ రెడ్డి ప్రారంభించనున్నారు. ఈరోజు నుంచి ఫిబ్రవరి 15 వరకు 46 రోజుల పాటు ఎగ్జిబిషన్ కొనసాగనుంది. సాయంత్రం 4 నుంచి రాత్రి 10.30 గంటల వరకు ఎగ్జిబిషన్ ఉంటుంది. వీకెండ్స్, సెలవు దినాల్లో మాత్రం సాయంత్రం 4 నుంచి రాత్రి 11 గంటల వరకు సందర్శనకు అవకాశం ఉంటుంది. ఈ సమయాన్ని మరింత పెంచే అవకాశం కూడా ఉంది.