Peddireddi Ramachandra Reddy: అయ్యప్పస్వామికి బంగారు ఆభరణాలు సమర్పించిన మంత్రి పెద్దిరెడ్డి... ఫొటోలు ఇవిగో!
- కోటమలై అయ్యప్పస్వామి క్షేత్రంలో నిన్న మకరజ్యోతి
- భారీ ఊరేగింపుతో తరలివచ్చిన పెద్దిరెడ్డి
- హాజరైన ఎంపీ మిథున్ రెడ్డి, తదితర కుటుంబ సభ్యులు
సంక్రాంతి రోజున అయ్యప్ప ఆలయాల్లో మకర జ్యోతి దర్శనం జరుగుతుంది. కాగా, పుంగనూరు నియోజకవర్గంలోని సదుం మండలంలో యరాత్రి వారి పల్లిలో కోటమలై అయ్యప్పస్వామి దేవస్థానంలోనూ ఘనంగా మకరజ్యోతి వేడుకలు జరిగాయి.
ఈ సందర్భంగా, మంత్రి పెద్దిరెడ్డి రామచంద్రారెడ్డి కుటుంబం కోటమలై అయ్యప్పస్వామికి బంగారు ఆభరణాలు సమర్పించింది. ఊరేగింపుగా, మేళతాళాల నడుమ మంత్రి పెద్దిరెడ్డి బంగారు ఆభరణాల పెట్టెను తలపై పెట్టుకుని ఆలయం వరకు తీసుకువచ్చారు. ఈ కార్యక్రమంలో పెద్దిరెడ్డి తనయుడు, రాజంపేట ఎంపీ మిథున్ రెడ్డి తదితర కుటుంబ సభ్యులు పాల్గొన్నారు.
