Dakshna: సైకో చేసే హత్యల చుట్టూ తిరిగే 'దక్షిణ' .. ట్రైలర్ రిలీజ్!
- మంత్ర .. మంగళ దారిలో 'దక్షిణ'
- దర్శకత్వం వహించిన ఓషో తులసీ రామ్
- సైకో కిల్లర్ చుట్టూ తిరిగే కథ
- పాన్ ఇండియా స్థాయిలో రిలీజ్ అవుతున్న సినిమా
వెండితెరపై హారర్ థ్రిల్లర్ .. సస్పెన్స్ థ్రిల్లర్ .. క్రైమ్ థ్రిల్లర్ .. సైకో థ్రిల్లర్ సినిమాలు తమ జోరును కొనసాగిస్తూనే ఉన్నాయి. ఈ తరహా సినిమాలకు ఓటీటీ వైపు నుంచి కూడా మంచి రెస్పాన్స్ వస్తోంది. ఈ క్రమంలో మరోసారి ప్రేక్షకులను భయపెట్టడానికి మరో సైకో థ్రిల్లర్ సినిమా వస్తోంది. ఆ సినిమా పేరే 'దక్షిణ'. అశోక్ షిండే నిర్మించిన ఈ సినిమాకి దర్శకుడు ఓషో తులసీరామ్.
ఓషో తులసీరామ్ అనగానే ఆయన నుంచి ఇంతకుముందు వచ్చిన 'మంత్ర' .. 'మంగళ' సినిమాలు కళ్లముందు కదలాడతాయి. ప్రేక్షకులను భయపెట్టడంలో ఆయనకంటూ ఒక ప్రత్యేకమైన మార్క్ ఉంటుంది. అందువలన ఈ సినిమాపై అందరిలో ఆసక్తి పెరుగుతూ వెళుతోంది. అలాంటి ఈ సినిమా నుంచి తాజాగా ట్రైలర్ ను రిలీజ్ చేశారు.
ఒక సీరియల్ సైకో కిల్లర్ అందమైన యువతులను చంపుకుంటూ వెళుతుంటాడు. ఆతనిని పట్టుకోవడానికి స్పెషల్ ఆఫీసర్ గా ధన్సిక రంగంలోకి దిగుతుంది. ఈ కేసు విషయంలో ఆమెకి ఎలాంటి సవాళ్లు ఎదురవుతాయనేది కథ. తెలుగు .. తమిళ .. మలయాళ .. కన్నడ .. హిందీ భాషల్లో ఈ సినిమా విడుదల కానుంది.
