Bharateeyudu 2: భారతీయుడు-2 నుంచి రేపు రెండో సింగిల్ విడుదల
- కమల్ హాసన్, శంకర్ కలయికలో భారతీయుడు-2
- చెంగల్వ అనే పాటను రేపు ఉదయం 11 గంటలకు రిలీజ్ చేయనున్న చిత్రబృందం
- అనిరుధ్ రవిచందర్ బాణీలు... రామజోగయ్యశాస్త్రి సాహిత్యం
- ఆలపించిన అబ్బీ వి, శృతిక సముద్రాల
కమల్ హాసన్, శంకర్ కాంబినేషన్ లో రూపుదిద్దుకుంటున్న చిత్రం భారతీయుడు-2. ఈ చిత్రం నుంచి రేపు (మే 29) రెండో పాట విడుదల కానుంది. ఈ మేరకు చిత్రబృందం నేడు ప్రోమో వీడియో పంచుకుంది.
చెంగల్వ... అంటూ సాగే ఈ గీతానికి అనిరుధ్ రవిచందర్ బాణీలు సమకూర్చగా, రామజోగయ్యశాస్త్రి సాహిత్యం అందించారు. అబ్బీ వి, శృతిక సముద్రాల ఈ గీతాన్ని ఆలపించారు. రేపు ఉదయం 11 గంటలకు పూర్తి పాటను రిలీజ్ చేయనున్నట్టు చిత్ర నిర్మాణ సంస్థ లైకా ప్రొడక్షన్ వెల్లడించింది. భారతీయుడు-2 చిత్రంలోని ఈ పాటను సిద్ధార్థ్, రకుల్ ప్రీత్ సింగ్ లపై చిత్రీకరించినట్టు తెలుస్తోంది.
గతంలో కమల్ హాసన్, శంకర్ కలయికలో వచ్చిన భారతీయుడు ఎంతటి బ్లాక్ బస్టరో ప్రత్యేకంగా చెప్పనక్కర్లేదు. ఇప్పుడా సినిమాకు సీక్వెల్ గా భారతీయుడు-2 వస్తోంది. ఇందులో కమల్ హాసన్, కాజల్ అగర్వాల్, సిద్ధార్థ్, రకుల్ ప్రీత్ సింగ్, ఎస్ జే సూర్య, బాబీ సింహా, వివేక్, ప్రియా భవానీ శంకర్, బ్రహ్మానందం, సముద్రఖని, నెడుముడి వేణు, ఢిల్లీ గణేశ్, మనోబాలా, గుల్షన్ గ్రోవర్ తదితరులు నటిస్తున్నారు.