Stabbing: జర్మనీలో కత్తితో విరుచుకుపడిన ఆగంతుకుడు... వీడియో ఇదిగో!
- మాన్ హీమ్ నగరంలో ఘటన
- రోడ్డుపై కనిపించినవారినల్లా పొడిచిన శరణార్థి
- చివరికి పోలీసులు కాల్పులు జరపడంతో నిలిచిన బీభత్సం
జర్మనీలోని మాన్ హీమ్ నగరంలో ఓ వ్యక్తి కత్తితో విరుచుకుపడ్డాడు. ఓ మార్కెట్ కూడలి వద్ద కనిపించిన వారినల్లా కత్తితో పొడుస్తూ బీభత్సం సృష్టించాడు. చివరికి పోలీసు కాల్పుల్లో గాయపడడంతో అతడి స్వైరవిహారానికి అడ్డుకట్ట పడింది. అతడి దాడిలో పలువురు కత్తిపోట్లకు గురయ్యారు. జర్మనీ కాలమానం ప్రకారం ఈ ఘటన ఉదయం 11.30 గంటలకు జరిగింది.
కాగా, ఈ దాడికి పాల్పడిన వ్యక్తిని ఇంకా గుర్తించాల్సి ఉంది. ఈ ఉదయం మాన్ హీమ్ నగరంలో ఇస్లామిక్ వ్యతిరేక ప్రచారకర్త మైఖేల్ స్టర్జెన్ బర్గర్ ఓ కార్యక్రమం నిర్వహించారు. ఈ కార్యక్రమాన్ని వ్యతిరేకిస్తూ సదరు దుండగుడు కత్తితో అరాచకం సృష్టించినట్టు తెలుస్తోంది.