Pawan Kalyan: డిప్యూటీ సీఎం పవన్ కల్యాణ్ కు వదిన సురేఖ స్పెషల్ గిఫ్ట్... వీడియో షేర్ చేసిన చిరంజీవి
- పవన్ కు కూటమి ప్రభుత్వంలో విశిష్ట స్థానం
- డిప్యూటీ సీఎం పదవితో పాటు పలు శాఖల కేటాయింపు
- పవన్ కు ఖరీదైన ఫౌంటెన్ పెన్ బహూకరించిన సురేఖ
- వదిన కానుకతో మురిసిపోయిన జనసేనాని
జనసేనాని, పిఠాపురం ఎమ్మెల్యే పవన్ కల్యాణ్ ఏపీ డిప్యూటీ సీఎంగా నియమితులు కావడం తెలిసిందే. ఆయనకు పంచాయతీరాజ్, గ్రామీణాభివృద్ధి, తాగునీటి సరఫరా, పర్యావరణం, అడవులు, సైన్స్ అండ్ టెక్నాలజీ శాఖలు కేటాయించారు.
ఈ నేపథ్యంలో, పవన్ కల్యాణ్ కు వదిన సురేఖ నుంచి అపురూపమైన కానుక లభించింది. తెలుగు ప్రజల ఆశలు నెరవేర్చాలంటూ స్పెషల్ గిఫ్ట్ అందజేశారు. ఓ ఫౌంటెన్ పెన్ ను ఆమె తన మరిదికి బహూకరించారు. వదినమ్మ నుంచి అందిన స్పెషల్ గిఫ్ట్ చూసి పవన్ కల్యాణ్ అమితానందం వ్యక్తం చేశారు.
ఆ ఖరీదైన పెన్నును జాగ్రత్తగా జేబులో పెట్టుకున్నారు. ఈ సందర్భంగా పవన్, అన్నా లెజనోవా, సురేఖ, మెగాస్టార్ చిరంజీవి ఫొటోలకు పోజులిచ్చారు. దీనికి సంబంధించిన వీడియోను చిరంజీవి సోషల్ మీడియాలో పంచుకున్నారు. కల్యాణ్ బాబుకు వదినమ్మ బహుమతి అని పేర్కొన్నారు.
