Rohit Sharma: ఈ ప్ర‌పంచ‌క‌ప్ మీ కోసమే.. రోహిత్ శ‌ర్మ ట్వీట్ వైరల్!
టీ20 ప్ర‌పంచ‌క‌ప్ ట్రోఫీతో స్వ‌దేశానికి తిరిగొచ్చిన భార‌త జ‌ట్టుకు ముంబైలో అభిమానులు క‌నీవిని ఎరుగ‌ని రీతిలో అపూర్వ‌స్వాగ‌తం ప‌లికారు. దీనిపై టీమిండియా కెప్టెన్ రోహిత్ శ‌ర్మ ఎంతో ఆనందం వ్య‌క్తం చేశాడు. ఈ సంద‌ర్భంగా 'ఎక్స్' (ట్విట్ట‌ర్‌) వేదిక‌గా ప్ర‌త్యేకంగా ఓ పోస్టు పెట్టాడు. 'ఈ క‌ప్ మీ కోసమే..' అని పేర్కొంటూ జాతీయ జెండాను పోస్టు చేశాడు. అలాగే తాను ఓపెన్ టాప్ బ‌స్సులో వ‌ర‌ల్డ్‌క‌ప్‌ను ఎత్తుకుని ఫ్యాన్స్‌కు అభివాదం చేస్తున్న ఫొటోను కూడా జ‌త చేశాడు. ఇప్పుడీ ట్వీట్ వైరల్ అవుతోంది.