Viral Videos: తార‌క్ తనయుల‌తో ఆడుకున్న వెంక‌టేశ్‌.. వీడియో వైరల్!
- బావ‌మ‌రిది నార్నె నితిన్ ఎంగేజ్మెంట్‌లో ఫ్యామిలీతో సందడి చేసిన ఎన్టీఆర్
- తార‌క్ కుమారులు అభ‌య్ రామ్‌, భార్గ‌వ్‌ రామ్‌తో స‌ర‌దాగా ఆడుకున్న వెంకీ
- నెట్టింట వీడియో వైరల్.. వెంకీ, నందమూరి ఫ్యాన్స్ హ‌ర్షం
టాలీవుడ్ యువ హీరో, జూనియ‌ర్ ఎన్టీఆర్ బావ‌మ‌రిది నార్నె నితిన్ ఎంగేజ్మెంట్ తాజాగా ఘ‌నంగా జ‌రిగింది. ఈ వేడుకకు ప‌లువురు టాలీవుడ్ ప్ర‌ముఖులు హాజ‌ర‌య్యారు. ఇక తార‌క్ త‌న భార్య ప్ర‌ణ‌తితో పాటు ఇద్ద‌రు కుమారులు అభ‌య్ రామ్‌, భార్గ‌వ్‌ రామ్‌తో క‌లిసి వేడుక‌లో మెరిశారు.
కాగా, ఈ వేడుకకు సంబంధించిన ఎన్టీఆర్ కుమారుల వీడియో ఒక‌టి ఇప్పుడు నెట్టింట బాగా హ‌ల్‌చ‌ల్ చేస్తోంది. ఈ ఇద్ద‌రూ సీనియ‌ర్ హీరో విక్ట‌రీ వెంక‌శ్‌తో స‌ర‌దాగా గ‌డ‌ప‌డం ఆ వీడియోలో ఉంది. తార‌క్ కుమారుల‌తో వెంకీ ఆడుకుంటూ, న‌వ్వుతూ క‌నిపించారు. ఈ వీడియో ప్ర‌స్తుతం సోష‌ల్ మీడియాలో వైరల్ కావ‌డంతో నందమూరి అభిమానులు, వెంకీ ఫ్యాన్స్ హ‌ర్షం వ్య‌క్తం చేస్తున్నారు.