Kissik Song: పుష్ప-2లోని 'కిస్సిక్' సాంగ్.. ఆల్‌టైమ్ రికార్డు!
- 24 గంట‌ల్లో ఇండియాలోనే అత్య‌ధిక వ్యూస్ సాధించిన లిరిక‌ల్ వీడియోగా కిస్సిక్
- మొత్తంగా 42 మిలియ‌న్ల‌కు పైగా వ్యూస్ న‌మోదైన‌ట్లు వెల్ల‌డించిన మేక‌ర్స్
- ప్ర‌స్తుతం యూట్యూబ్‌లో నెం.01గా ట్రెండింగ్‌లో ఐట‌మ్ సాంగ్
ఐకాన్ స్టార్ అల్లు అర్జున్‌, ప్ర‌ముఖ ద‌ర్శ‌కుడు సుకుమార్ కాంబినేష‌న్‌లో వ‌స్తున్న భారీ చిత్రం పుష్ప-2. ఈ సినిమా డిసెంబ‌ర్ 5న ప్రేక్ష‌కుల ముందుకు రానుంది. ఇప్ప‌టికే మూవీ నుంచి విడుద‌లైన ప్ర‌చార చిత్రాలు, పాట‌ల‌తో పుష్ప-2పై భారీ అంచనాలు నెల‌కొన్నాయి. ఈ క్ర‌మంలో తాజాగా ఈ చిత్రం నుంచి విడుద‌లైన ఐట‌మ్ సాంగ్ కిస్సిక్ భారీ వ్యూస్‌తో దూసుకెళ్తోంది.
ఈ పాట ఆల్‌టైమ్ రికార్డు సృష్టించిన‌ట్లు మేక‌ర్స్ వెల్ల‌డించారు. 24 గంట‌ల్లో ఇండియాలోనే అత్య‌ధిక వ్యూస్ సాధించిన లిరిక‌ల్ వీడియోగా నిలిచిన‌ట్లు తెలిపారు. మొత్తంగా 42 మిలియ‌న్ల‌కు పైగా వ్యూస్ న‌మోదైన‌ట్లు చెప్పారు.
ప్ర‌స్తుతం యూట్యూబ్‌లో నెం.01గా ట్రెండింగ్‌లో ఉంద‌ని పేర్కొంటూ ఓ స్పెష‌ల్ పోస్ట‌ర్‌ను సోష‌ల్ మీడియాలో షేర్ చేశారు. ఇక ఐట‌మ్ సాంగ్‌లో అల్లు అర్జున్‌, యంగ్ బ్యూటీ శ్రీలీల స్టెప్పులేసిన విష‌యం తెలిసిందే.
