Pushpa 2: 80 దేశాల్లో విడుదలవుతున్న 'పుష్ప-2'
- ఈ నెల 5న ప్రేక్షకుల ముందుకు వస్తున్న 'పుష్ప-2'
- రూ. 1,000 కోట్లకు పైగా ప్రీరిలీజ్ బిజినెస్ చేసిన అల్లు అర్జున్ మూవీ
- ఆన్ లైన్ లో 10 లక్షలకు పైగా టికెట్ల అమ్మకం
అల్లు అర్జున్, డైరెక్టర్ సుకుమార్ కాంబినేషన్లో తెరకెక్కిన 'పుష్ప-2' ఈ నెల 5న ప్రేక్షకుల ముందుకు వస్తోంది. రేపు రాత్రి నుంచి బెనిఫిట్ షోలను వేస్తున్నారు. ఈ చిత్రం 80 దేశాల్లో 6 భాషల్లో రిలీజ్ కాబోతోంది. తొలిరోజున ప్రపంచ వ్యాప్తంగా 55 వేల షోలు పడుతున్నాయి.
ప్రీరిలీజ్ బిజినెస్ లో కూడా ఈ సినిమా రికార్డు క్రియేట్ చేసింది. రూ. 670 కోట్లకు పైగా థియేట్రికల్ బిజినెస్ జరిగింది. ఆడియో, డిజిటల్ రైట్స్, ఓటీటీ రూపంలో మరో రూ. 400 కోట్లు బిజినెస్ జరిగినట్టు సమాచారం.
టికెట్స్ అడ్వాన్స్ బుకింగ్స్ లో కూడా ఈ చిత్రం రికార్డు సృష్టించింది. అత్యంత వేగంగా ఒక మిలియన్ టికెట్స్ అమ్ముడైన చిత్రంగా 'పుష్ప-2' నిలిచింది. కేవలం బుక్ మై షోలో ఇన్ని టికెట్లు అమ్ముడుపోవడం విశేషం. తెలుగు రాష్ట్రాల్లో అయితే బుకింగ్స్ ఓపెన్ అయిన గంటలోనే ఫస్ట్ డే టికెట్స్ మొత్తం సేల్ అయ్యాయి.
