Botsa Satyanarayana: మహానాడు పెద్ద డ్రామా: బొత్స సత్యనారాయణ
- పెన్షన్ల పెంపు తప్ప హామీలు నెరవేర్చలేదని బొత్స ఆరోపణ
- గతేడాది "తల్లికి వందనం" పథకాన్ని ఎగ్గొట్టారని ధ్వజం
- టెన్త్ వాల్యుయేషన్‌లో ప్రభుత్వ వైఫల్యం స్పష్టమయిందన్న బొత్స
రాష్ట్రంలోని కూటమి ప్రభుత్వంపై వైసీపీ సీనియర్ నేత, మాజీ మంత్రి తీవ్రస్థాయిలో విరుచుకుపడ్డారు. ప్రభుత్వం అధికారంలోకి వచ్చి దాదాపు ఏడాది కావస్తున్నా, పెన్షన్ల పెంపు మినహా ప్రజలకు ఇచ్చిన హామీలలో వేటిని నెరవేర్చారో స్పష్టం చేయాలని ఆయన డిమాండ్ చేశారు. ఈరోజు వైజాగ్‌లో ఏర్పాటు చేసిన మీడియా సమావేశంలో బొత్స ఈ వ్యాఖ్యలు చేశారు.
ఏడాది కాలంలో ప్రభుత్వం సాధించిన ప్రగతిని చెప్పుకోలేక, కడపలో మూడు రోజుల పాటు టీడీపీ మహానాడు పేరుతో ఒక డ్రామా ఆడారని బొత్స సత్యనారాయణ ఆరోపించారు. ప్రజలను మభ్యపెట్టే ప్రయత్నం చేస్తున్నారని ఆయన దుయ్యబట్టారు. "పెన్షన్లు పెంచడం తప్ప, ఈ ఏడాది కాలంలో మీరు అమలు చేసిన ఒక్క హామీ అయినా ఉందా?" అని ప్రభుత్వాన్ని సూటిగా ప్రశ్నించారు.
గత ఏడాది "తల్లికి వందనం" పథకాన్ని ప్రభుత్వం ఎగ్గొట్టిందని బొత్స విమర్శించారు. విద్యా వ్యవస్థ నిర్వహణలో కూడా కూటమి ప్రభుత్వం విఫలమైందని ఆయన ఆరోపించారు. పదో తరగతి పరీక్షల మూల్యాంకనంలో ప్రభుత్వ వైఫల్యం కొట్టొచ్చినట్లు కనబడుతోందని అన్నారు. "మా ప్రభుత్వ హయాంలో 500 మందికి మించి విద్యార్థులు రీవాల్యుయేషన్‌కు వెళ్లేవారు కాదు. కానీ, ఈ కూటమి ప్రభుత్వంలో ఏకంగా 1,650 మంది విద్యార్థులు రీవాల్యుయేషన్ చేయించుకున్నారు. ప్రభుత్వ చర్యల వల్ల విద్యార్థుల భవిష్యత్తు ప్రశ్నార్థకంగా మారుతోంది" అని బొత్స ఆవేదన వ్యక్తం చేశారు.
మూల్యాంకన ప్రక్రియలో లోపాల గురించి మాట్లాడుతూ, "రోజుకు 40 జవాబు పత్రాలు దిద్దాల్సిన ఉపాధ్యాయులకు అంతకంటే ఎక్కువ ఇస్తే వాళ్లు మాత్రం ఏం చేయగలరు? ప్రతి పనికి ఒక ప్రణాళిక ఉండాలి. కానీ, కూటమి ప్రభుత్వం ఆ ప్రణాళికను అమలు చేయడంలో పూర్తిగా విఫలమవుతోంది" అని ఆయన ఎద్దేవా చేశారు. ప్రభుత్వానికి సరైన దిశానిర్దేశం లేదని, దీనివల్ల అన్ని రంగాల్లోనూ సమస్యలు తలెత్తుతున్నాయని బొత్స సత్యనారాయణ విమర్శించారు.
ఏడాది కాలంలో ప్రభుత్వం సాధించిన ప్రగతిని చెప్పుకోలేక, కడపలో మూడు రోజుల పాటు టీడీపీ మహానాడు పేరుతో ఒక డ్రామా ఆడారని బొత్స సత్యనారాయణ ఆరోపించారు. ప్రజలను మభ్యపెట్టే ప్రయత్నం చేస్తున్నారని ఆయన దుయ్యబట్టారు. "పెన్షన్లు పెంచడం తప్ప, ఈ ఏడాది కాలంలో మీరు అమలు చేసిన ఒక్క హామీ అయినా ఉందా?" అని ప్రభుత్వాన్ని సూటిగా ప్రశ్నించారు.
గత ఏడాది "తల్లికి వందనం" పథకాన్ని ప్రభుత్వం ఎగ్గొట్టిందని బొత్స విమర్శించారు. విద్యా వ్యవస్థ నిర్వహణలో కూడా కూటమి ప్రభుత్వం విఫలమైందని ఆయన ఆరోపించారు. పదో తరగతి పరీక్షల మూల్యాంకనంలో ప్రభుత్వ వైఫల్యం కొట్టొచ్చినట్లు కనబడుతోందని అన్నారు. "మా ప్రభుత్వ హయాంలో 500 మందికి మించి విద్యార్థులు రీవాల్యుయేషన్‌కు వెళ్లేవారు కాదు. కానీ, ఈ కూటమి ప్రభుత్వంలో ఏకంగా 1,650 మంది విద్యార్థులు రీవాల్యుయేషన్ చేయించుకున్నారు. ప్రభుత్వ చర్యల వల్ల విద్యార్థుల భవిష్యత్తు ప్రశ్నార్థకంగా మారుతోంది" అని బొత్స ఆవేదన వ్యక్తం చేశారు.
మూల్యాంకన ప్రక్రియలో లోపాల గురించి మాట్లాడుతూ, "రోజుకు 40 జవాబు పత్రాలు దిద్దాల్సిన ఉపాధ్యాయులకు అంతకంటే ఎక్కువ ఇస్తే వాళ్లు మాత్రం ఏం చేయగలరు? ప్రతి పనికి ఒక ప్రణాళిక ఉండాలి. కానీ, కూటమి ప్రభుత్వం ఆ ప్రణాళికను అమలు చేయడంలో పూర్తిగా విఫలమవుతోంది" అని ఆయన ఎద్దేవా చేశారు. ప్రభుత్వానికి సరైన దిశానిర్దేశం లేదని, దీనివల్ల అన్ని రంగాల్లోనూ సమస్యలు తలెత్తుతున్నాయని బొత్స సత్యనారాయణ విమర్శించారు.
