Dhulipalla Narendra: పొన్నూరు దాడి ఘటనపై వైసీపీ రాజకీయ కుట్ర: ఎమ్మెల్యే ధూళిపాళ్ల
- ప్రభుత్వ ప్రతిష్ఠ దెబ్బతీయడమే వారి లక్ష్యం
- దాడి రోజు కాపు కాసిన వైసీపీ వర్గీయులు
- టీడీపీ నేతలు బాబురావు, అశోక్‌పై దాడికి పన్నాగం
- పోలీసుల మాట కాదని ప్రైవేట్ ఆసుపత్రికి తరలింపు
- ఎమ్మెల్యే ధూళిపాళ్ల నరేంద్ర సంచలన ఆరోపణలు
పొన్నూరులో జరిగిన దాడి ఘటనను వైసీపీ ఉద్దేశపూర్వకంగా రాజకీయం చేస్తోందని ఎమ్మెల్యే ధూళిపాళ్ల నరేంద్ర తీవ్ర ఆరోపణలు చేశారు. ప్రభుత్వంపై బురద చల్లి, అప్రతిష్ఠ పాలు చేసేందుకే వైసీపీ ఈ విధంగా వ్యవహరిస్తోందని ఆయన విమర్శించారు.
ఈ ఘటన వెనుక పెద్ద కుట్ర దాగి ఉందని నరేంద్ర అన్నారు. దాడికి గురైన నాగమల్లేశ్వరరావుపై దాడి జరిగిన రోజు, ఆ ప్రాంతంలో వైసీపీ కార్యకర్తలు కాపు కాశారని ఆయన ఆరోపించారు. నిజానికి టీడీపీ నేతలు బండ్లమూడి బాబురావు, అశోక్‌లపై దాడి చేయడమే వారి అసలు ప్రణాళిక అని, ఈ మేరకు వైసీపీ వర్గీయులు కుట్ర పన్నారని తెలిపారు.
దాడి జరిగిన తర్వాత గాయపడిన వ్యక్తిని గుంటూరు ప్రభుత్వ ఆసుపత్రికి తరలించాలని పోలీసులు ప్రయత్నించారని, అయితే వైసీపీ నేతలు కావాలనే అడ్డుపడి ప్రైవేటు ఆసుపత్రికి తీసుకెళ్లారని ధూళిపాళ్ల వివరించారు. ఈ మొత్తం వ్యవహారాన్ని రాజకీయంగా వాడుకుని లబ్ధి పొందాలనే దురుద్దేశంతోనే వైసీపీ ఇలాంటి చర్యలకు పాల్పడుతోందని ఆయన మండిపడ్డారు.
ఈ ఘటన వెనుక పెద్ద కుట్ర దాగి ఉందని నరేంద్ర అన్నారు. దాడికి గురైన నాగమల్లేశ్వరరావుపై దాడి జరిగిన రోజు, ఆ ప్రాంతంలో వైసీపీ కార్యకర్తలు కాపు కాశారని ఆయన ఆరోపించారు. నిజానికి టీడీపీ నేతలు బండ్లమూడి బాబురావు, అశోక్‌లపై దాడి చేయడమే వారి అసలు ప్రణాళిక అని, ఈ మేరకు వైసీపీ వర్గీయులు కుట్ర పన్నారని తెలిపారు.
దాడి జరిగిన తర్వాత గాయపడిన వ్యక్తిని గుంటూరు ప్రభుత్వ ఆసుపత్రికి తరలించాలని పోలీసులు ప్రయత్నించారని, అయితే వైసీపీ నేతలు కావాలనే అడ్డుపడి ప్రైవేటు ఆసుపత్రికి తీసుకెళ్లారని ధూళిపాళ్ల వివరించారు. ఈ మొత్తం వ్యవహారాన్ని రాజకీయంగా వాడుకుని లబ్ధి పొందాలనే దురుద్దేశంతోనే వైసీపీ ఇలాంటి చర్యలకు పాల్పడుతోందని ఆయన మండిపడ్డారు.
