హైదరాబాదులో చంద్రబాబును కలిసిన సీపీఐ రామకృష్ణ
- విశాఖ స్టీల్ ప్లాంట్ అంశంపై రౌండ్ టేబుల్ భేటీ
- ఈ నెల 12న విజయవాడలో సమావేశం
- చంద్రబాబును ఆహ్వానించిన రామకృష్ణ
- ప్రైవేటీకరణకు కేంద్రం ఏర్పాట్లు చేస్తోందని వెల్లడి
- సీఎం జగన్ నోరు విప్పాలని డిమాండ్
సీపీఐ ఏపీ కార్యదర్శి రామకృష్ణ ఇవాళ హైదరాబాదులో టీడీపీ అధినేత చంద్రబాబును కలిశారు. విజయవాడలో నిర్వహించ తలపెట్టిన రౌండ్ టేబుల్ సమావేశానికి చంద్రబాబును ఆహ్వానించారు. ఈ సందర్భంగా రామకృష్ణ మాట్లాడుతూ, విశాఖ స్టీల్ ప్లాంట్ ప్రైవేటీకరణకు కేంద్రం ఏర్పాట్లు చేస్తోందని తెలిపారు. దీనిపై చర్చించేందుకు ఈ నెల 12న విజయవాడలో అన్ని పార్టీలు, అన్ని సంఘాలతో రౌండ్ టేబుల్ సమావేశం ఏర్పాటు చేసినట్టు వెల్లడించారు. విశాఖ స్టీల్ ప్లాంట్ విషయంలో సీఎం జగన్ నోరు విప్పాలని డిమాండ్ చేశారు.