ముంబయిలో జోరుగా పవన్ కల్యాణ్ 'ఓజీ' షూటింగ్

టాలీవుడ్ పవర్ స్టార్ పవన్ కల్యాణ్ ప్రస్తుతం యువ దర్శకుడు సుజీత్ డైరెక్షన్ లో ఓజీ (ఒరిజనల్ గ్యాంగ్ స్టర్) చిత్రంలో నటిస్తున్న సంగతి తెలిసిందే. ఈ సినిమా షూటింగ్ ముంబయిలో వేగంగా సాగుతోంది. తాజాగా, నటుడు ప్రకాశ్ రాజ్ కూడా షూటింగ్ లో పాల్గొంటున్నారు. ఆయనపై పలు కీలక సన్నివేశాలను చిత్రీకరిస్తున్నారు. కాగా, ఈ చిత్రంలో పవన్ ఒక పవర్ ఫుల్ గ్యాంగ్ స్టర్ గా కనిపించనున్నారు. 

ముంబయి షెడ్యూల్ ముగిసిన అనంతరం పుణేలో మరో షెడ్యూల్ జరగనున్నట్టు తెలుస్తోంది. సినిమాలోని ముఖ్యమైన నటులందరూ ఈ షెడ్యూల్ లో షూటింగ్ కు హాజరవుతారని సమాచారం.

పాన్ ఇండియా స్థాయిలో తెరకెక్కుతున్న ఓజీలో పవన్ కల్యాణ్ సరసన తమిళమ్మాయి ప్రియాంక అరుళ్ మోహన్ హీరోయిన్ గా నటిస్తోంది. డీవీవీ ఎంటర్టయిన్ మెంట్ బ్యానర్ పై డీవీవీ దానయ్య నిర్మాతగా రూపుదిద్దుకుంటున్న ఈ చిత్రానికి తమన్ సంగీతం అందిస్తున్నారు. 

కాగా, డిసెంబరు నాటికి ఈ చిత్రాన్ని ప్రేక్షకుల ముందుకు తీసుకురావాలని చిత్రబృందం ప్లాన్ చేసినట్టు తెలుస్తోంది. అఫీషియల్ రిలీజ్ డేట్ ఇంకా ప్రకటించలేదు. ఓజీ చిత్రం తెలుగుతో పాటు తమిళం, మలయాళం, కన్నడ, హిందీ భాషల్లోనూ విడుదల చేయనున్నారు.