జనసేన కార్యాలయానికి వచ్చి స్వయంగా పవన్ ను అభినందించిన చంద్రబాబు... ఫొటోలు ఇవిగో!

టీడీపీ అధినేత చంద్రబాబు కొద్దిసేపటి కిందట మంగళగిరిలో జనసేన పార్టీ కార్యాలయానికి విచ్చేశారు. పిఠాపురంలో విజయం సాధించి అసెంబ్లీలో అడుగుపెట్టబోతున్న జనసేనాని పవన్ కల్యాణ్ కు పుష్పగుచ్ఛం అందించి అభినందనలు  తెలిపారు. 

జనసేన పార్టీ ఈ ఎన్నికల్లో 21కి 21 అసెంబ్లీ స్థానాలు, రెండు ఎంపీ స్థానాలు నెగ్గడం పట్ల అభినందించారు. ఈ సందర్భంగా చంద్రబాబును పవన్, అన్నా లెజ్నెవా దంపతులు సత్కరించారు. 

ఇక, కుప్పంలో చంద్రబాబు 8వ సారి విజయం సాధించడం, ఏపీలో టీడీపీ సునామీ విజయాల పట్ల పవన్ కూడా హర్షం వ్యక్తం చేశారు. చంద్రబాబుకు అభినందనలు తెలిపారు. అనంతరం... చంద్రబాబు, పవన్ కాసేపు చర్చించుకున్నారు. ఈ సందర్భంగా జనసేన కార్యాలయంలో పవన్, లెజ్నెవాలతో పాటు అకీరా నందన్ కూడా ఉన్నాడు. చంద్రబాబు పాదాలకు నమస్కరించిన అకీరా... ఆ రాజకీయ దిగ్గజం నుంచి ఆశీస్సులు అందుకున్నాడు.