vishal: డిటెక్టివ్ గా ట్రైలర్ తోనే విశాల్ అదరగొట్టేశాడు!
విశాల్ మొదటి నుంచి కూడా మాస్ ఆడియన్స్ కి ఎక్కువగా కనెక్ట్ అయ్యే సినిమాలు చేస్తూ వస్తున్నాడు. ఈ సారి కొత్తదనానికి ప్రాధాన్యతనిస్తూ ఆయన 'తుప్పారివాలన్' సినిమా చేశాడు. వరుస హత్యలకు సంబంధించిన మిస్టరీని ఛేదించే డిటెక్టివ్ గా ఆయన ఈ సినిమాలో కనిపించనున్నాడు. స్నేహ భర్త ప్రసన్న .. అనూ ఇమ్మాన్యుయేల్ .. ఆండ్రియా ముఖ్యమైన పాత్రలను పోషించారు.
మిస్కిన్ దర్శకత్వం వహించిన ఈ సినిమా నుంచి తాజాగా ట్రైలర్ ను రిలీజ్ చేశారు. విశాల్ కొత్త గెటప్ లో కనిపిస్తున్నాడు. ఉత్కంఠను రేకెత్తించే యాక్షన్ సీన్స్ పై ఈ ట్రైలర్ ను కట్ చేశారు. సినిమాపై అంచనాలు పెంచేదిగానే ఈ ట్రైలర్ వుంది. ఈ గురువారమే ఈ సినిమా తమిళంలో విడుదల కానుంది. తెలుగు ప్రేక్షకుల ముందుకు రావడానికి మరికొంత సమయం పడుతుంది. విశాల్ కెరియర్లోనే అత్యధిక బడ్జెట్ తో ఈ సినిమా తెరకెక్కడం విశేషం.
