Rakul: సినిమా కబుర్లు.. సంక్షిప్త సమాచారం!
- ప్రధాని కార్యక్రమానికి ప్రచారకర్తగా రకుల్
- 'ఉన్నది ఒకటే జిందగి' ఆడియో వేడుక
- సెన్సార్ పూర్తి చేసుకున్న 'రాజా ది గ్రేట్'
- అమెరికాలో నితిన్ షూటింగ్ పూర్తి
* అందాల రకుల్ ప్రీత్ సింగ్ ఓ అరుదైన ఛాన్స్ అందుకుంది. ప్రధాని నరేంద్ర మోదీ ప్రారంభించిన 'భేటీ బచావో.. భేటీ పడావో' జాతీయ కార్యక్రమానికి రకుల్ ను తమ రాష్ట్రం నుంచి బ్రాండ్ అంబాసడార్ గా తెలంగాణ ప్రభుత్వం నియమించింది.
* కిషోర్ తిరుమల దర్శకత్వంలో ఎనర్జిటిక్ హీరో రామ్ నటించిన 'ఉన్నది ఒకటే జిందగి' చిత్రం ఆడియో వేడుక నిన్న రాత్రి హైదరాబాదులో జరిగింది. ఈ కార్యక్రమానికి చిత్రంలోని నటీనటులతో పాటు పలువురు చిత్ర ప్రముఖులు కూడా హాజరయ్యారు. అనుపమ పరమేశ్వరన్, లావణ్య త్రిపాఠి హీరోయిన్లుగా నటించిన ఈ చిత్రాన్ని ఈ నెల 27న రిలీజ్ చేస్తున్నారు.
* రవితేజ హీరోగా అనిల్ రావిపూడి దర్శకత్వంలో రూపొందిన 'రాజా ది గ్రేట్' చిత్రం సెన్సార్ కార్యక్రమాలు పూర్తయ్యాయి. దీనికి సెన్సార్ నుంచి U/A సర్టిఫికేట్ లభించింది. దిల్ రాజు నిర్మించిన ఈ చిత్రంలో మెహ్రీన్ నాయికగా నటించింది. ఈ నెల 19న దీనిని విడుదల చేస్తున్నారు.
* నితిన్ నటిస్తున్న తాజా చిత్రం షూటింగ్ అమెరికాలో ముగిసింది. నెల రోజులకు పైగా అక్కడ ఈ షెడ్యూలు చేశారు. కృష్ణ చైతన్య దర్శకత్వం వహిస్తున్న ఈ చిత్రంలో మేఘా ఆకాష్ హీరోయిన్ గా నటిస్తోంది.