nikhil: 'కార్తికేయ'కి సీక్వెల్ ప్రకటించిన నిఖిల్
- నిఖిల్ క్రేజ్ ను పెంచిన చిత్రాల్లో 'కార్తికేయ' ఒకటి
- పాము నేపథ్యంలో ఆసక్తిగా కొనసాగిన కథ
- దర్శకుడిగా చందూ మొండేటికి లైఫ్ ఇచ్చింది
నిఖిల్ కెరియర్లో చెప్పుకోదగిన సినిమాల్లో ఒకటిగా 'కార్తికేయ' కనిపిస్తుంది. నిఖిల్ - స్వాతి జంటగా చందూ మొండేటి తెరకెక్కించిన ఈ సినిమా, పాము నేపథ్యంలో కొనసాగుతుంది. యూత్ ను విపరీతంగా ఆకట్టుకున్న ఈ సినిమా .. నిన్నటితో మూడు సంవత్సరాలను పూర్తి చేసుకుంది. ఈ సందర్భంగా నిఖిల్ ట్విట్టర్ ద్వారా స్పందించాడు.
"ప్రేక్షకులకు .. అభిమానులకు థ్యాంక్స్ .. 'కార్తికేయ' పార్ట్ 2 స్క్రిప్ట్ లోడింగ్" అంటూ ట్వీట్ చేశాడు. ప్రస్తుతం నిఖిల్ కన్నడ మూవీ 'కిరిక్ పార్టీ' రీమేక్ లో చేస్తున్నాడు. ఇక చందూ మొండేటి .. చైతూతో 'సవ్యసాచి' సినిమా పనుల్లో బిజీగా వున్నాడు. ఈ రెండు ప్రాజెక్టులు పూర్తయిన తరువాత .. 'కార్తికేయ' సీక్వెల్ తో ఈ ఇద్దరూ సెట్స్ పైకి వెళ్లనున్నట్టు సమాచారం. మొత్తం మీద 'కార్తికేయ'కి సీక్వెల్ రావడం ఖాయమనేది తేలిపోయింది. ఇక ఈ సీక్వెల్ కూడా భారీ విజయాన్ని సొంతం చేసుకుంటుందా .. లేదా? అనేది ఆసక్తికరంగా మారింది.