trisha: 'మోహిని' ట్రైలర్ వచ్చేసింది .. త్రిష భయపెట్టేస్తోంది
- మోడ్రన్ గాను .. దెయ్యం గాను త్రిష
- భారీ స్థాయిలో గ్రాఫిక్స్
- ఆశ్చర్యచకితులను చేసే ఫొటోగ్రఫీ
- తెలుగు .. తమిళ భాషల్లో విడుదల
తెలుగులో అవకాశాలు తగ్గినా .. తమిళంలో మాత్రం త్రిష తన జోరును కొనసాగిస్తూనే వుంది. నాయకా ప్రాధాన్యత కలిగిన పాత్రలతో పాటు హారర్ సినిమాలకి కూడా ఆమె ఓకే చెప్పేస్తోంది. ఈ నేపథ్యంలో ఆమె చేసిన 'నాయకి' సినిమా ఆశించిన స్థాయిలో ఆడకపోయినా, నటన పరంగా ఆమెకి ప్రశంసలు తెచ్చిపెట్టింది. అదే తరహాలో ఆమె 'మోహిని' అనే హారర్ థ్రిల్లర్ సినిమా చేసింది. రమణ మాదేశ్ దర్శకత్వం వహించిన ఈ సినిమాను, త్వరలో విడుదల చేయనున్నారు.
ఈ సినిమా షూటింగ్ చాలా వరకూ లండన్ లో జరిగింది. ఈ నేపథ్యంలో ఈ సినిమా నుంచి కొంత సేపటి క్రితం తమిళ ట్రైలర్ ను రిలీజ్ చేశారు. యాక్షన్ .. సస్పెన్స్ .. హారర్ .. రొమాన్స్ కి సంబంధించిన సన్నివేశాలపై ఈ ట్రైలర్ ను కట్ చేశారు. మోహినిగా మోడ్రన్ గాను .. దెయ్యంగాను త్రిష అద్భుతమైన వేరియేషన్స్ చూపించింది. ఫొటోగ్రఫీ .. గ్రాఫిక్స్ ఈ సినిమాను ఓ మెట్టు పైకి తీసుకెళ్లేలా వున్నాయి. ప్రతి ఫ్రేమ్ లోను కనిపిస్తోన్న రిచ్ నెస్ చూస్తుంటే, ఈ సినిమా కోసం భారీ స్థాయిలోనే ఖర్చు చేశారనే విషయం స్పష్టంగా తెలుస్తోంది. తెలుగు .. తమిళ భాషల్లో ఈ సినిమా త్రిషకి సక్సెస్ ను తెచ్చిపెడుతుందేమో చూడాలి.