balakrishna: బాలకృష్ణతో వినాయక్ సినిమా.. గ్యాంగ్ స్టర్ గా బాలయ్య!
- ఎన్టీఆర్ బయోపిక్ తో బాలకృష్ణ
- తరువాత సినిమా వినాయక్ తో
- గ్యాంగ్ స్టర్ పాత్రలో బాలకృష్ణ
తేజ దర్శకత్వంలో ఎన్టీఆర్ బయోపిక్ చేయడానికి బాలకృష్ణ రెడీ అవుతున్నాడు. రేపే ఈ సినిమాను లాంచ్ చేయనున్నారు. ఈ సినిమా తరువాత బాలకృష్ణ .. వినాయక్ తో కలిసి సెట్స్ పైకి వెళ్లనున్నారనేది తాజా సమాచారం. కన్నడలో ఘన విజయాన్ని సాధించిన 'మఫ్టీ' సినిమాను, బాలకృష్ణతో రీమేక్ చేయడానికి నిర్మాత సి.కల్యాణ్ సన్నాహాలు చేస్తున్నట్టుగా వార్తలు వచ్చాయి.
'జై సింహా'తో బాలకృష్ణకి సక్సెస్ ను ఇచ్చిన కె.ఎస్.రవికుమార్ ఈ సినిమాకి దర్శకుడిగా వ్యవహరించనున్నట్టు చెప్పుకున్నారు. కానీ తాజాగా వినాయక్ ను కల్యాణ్ ఒప్పించాడనేది తాజా సమాచారం. బాలకృష్ణ గ్యాంగ్ స్టర్ గా కనిపించనున్న ఈ సినిమా, మే 27వ తేదీన సెట్స్ పైకి వెళ్లనుంది.
