samanta: ఒకే రోజున రెండు సినిమాలతో వస్తున్న సమంత!

07-05-2018 Mon 11:48 | Entertainment

ఈ నెల 9వ తేదీన 'మహానటి' రిలీజ్
తమిళ వెర్షన్ 11వ తేదీన విడుదల
అదే రోజున వస్తోన్న 'ఇరుంబు తిరై'

'రంగస్థలం' సినిమాతో తెలుగులో ఘన విజయాన్ని అందుకున్న సమంత, త్వరలో 'మహానటి' సినిమాతో ప్రేక్షకుల ముందుకు రానుంది. ఈ సినిమాలో ఆమె 'మధురవాణి' అనే జర్నలిస్ట్ పాత్రలో కనిపించనుంది. సావిత్రి జీవితచరిత్రగా రూపొందిన ఈ సినిమా, ఈ నెల 9వ తేదీన ఇక్కడ విడుదలవుతోంది.

ఇదే సినిమాను తమిళంలో 'నడిగర తిలగం' పేరుతో ఈ నెల 11వ తేదీన రిలీజ్ చేస్తున్నారు. ఇక తమిళంలో విశాల్ సరసన సమంత చేసిన 'ఇరుంబు తిరై' ఈ నెల 11 తేదీనే ప్రేక్షకుల ముందుకు వస్తోంది. ఈ సినిమా తెలుగు వెర్షన్ ను 'అభిమన్యుడు' అనే పేరుతో ఈ నెల 17వ తేదీన భారీస్థాయిలో విడుదల చేయనున్నారు. తెలుగు .. తమిళ భాషల్లో చాలా తక్కువ గ్యాప్ లో అభిమానులను సమంత పలకరించనుందన్న మాట.