karthi: 'అభిమన్యుడు' దర్శకుడితో కార్తీ .. ముఖ్యమైన పాత్రలో విశాల్!
- 'ఇరుంబు తిరై'తో హిట్ కొట్టిన మిత్రన్
- నెక్స్ట్ మూవీ కార్తీతో
- త్వరలోనే సెట్స్ పైకి
ఈ మధ్యకాలంలో విశాల్ కి సరైన హిట్ తెచ్చిన పెట్టిన సినిమాగా 'ఇరుంబు తిరై' కనిపిస్తుంది. తమిళంలోనే కాకుండా తెలుగులో 'అభిమన్యుడు'గా వచ్చిన ఈ సినిమాకి మంచి ఆదరణ లభించింది. ఈ సినిమాతో దర్శకుడిగా 'మిత్రన్' కి మంచి మార్కులు పడ్డాయి. ఈ నేపథ్యంలో ఆయన దగ్గరున్న ఒక కథను విన్న విశాల్ .. ఆ కథ కార్తీకి సెట్ అవుతుందని మిత్రన్ ను ఆయన దగ్గరికి పంపించాడట.
నిజంగానే ఆ కథ కార్తీకి తెగ నచ్చేయడంతో వెంటనే గ్రీన్ సిగ్నల్ ఇచ్చేశాడట. ఇక ఈ కథలో ఒక ముఖ్యమైన పాత్ర ఉండటంతో అది విశాల్ చేయవలసిందేనని కార్తీ అనడంతో అందుకు ఆయన అంగీకరించాడని సమాచారం. త్వరలోనే ఈ సినిమాను సెట్స్ పైకి తీసుకెళ్లడానికి సన్నాహాలు జరుగుతున్నాయి. మంచి స్నేహితులైన కార్తీ .. విశాల్ ఇద్దరూ కూడా ఒకే తెరపై కనిపించనుండటం ఇద్దరి అభిమానులకు ఆనందాన్ని కలిగించే అంశమేనని చెప్పాలి.