Mehrin: సినిమా కబుర్లు.. సంక్షిప్త సమాచారం
- నితిన్ తో జతకట్టనున్న మెహ్రీన్
- జ్యోతిక ప్రధాన పాత్రలో సినిమా
- శర్వానంద్, సాయిపల్లవి జంటగా 'విరాటపర్వం 1992'
* యువ కథానాయిక మెహ్రీన్ ఈసారి నితిన్ తో జతకట్టనుంది. 'చలో' ఫేం వెంకీ కుడుముల దర్శకత్వంలో నితిన్ హీరోగా రూపొందే చిత్రంలో మెహ్రీన్ నాయికగా నటించనున్నట్టు సమాచారం. ఈ చిత్రం షూటింగ్ ఆగస్టు నుంచి జరుగుతుంది.
* ప్రముఖ నటి జ్యోతిక నాయికగా ఓ చిత్రం రూపొందుతోంది. హిందీలో విద్యాబాలన్ నటించిన 'తుమ్హారీ సులు' చిత్రం తమిళ రీమేక్ లో జ్యోతిక నటిస్తోంది. రాధా మోహన్ దర్శకత్వం వహిస్తున్న ఈ చిత్రం షూటింగ్ చెన్నయ్ లో జరుగుతోంది. దీనిని తెలుగులోకి కూడా అనువదిస్తారు.
* శర్వానంద్, సాయిపల్లవి జంటగా ఓ చిత్రం రూపొందనుంది. వేణు ఉడుగుల దర్శకత్వం వహించే ఈ చిత్రానికి 'విరాటపర్వం 1992' అనే టైటిల్ని నిర్ణయించారు. 1990ల నాటి వాతావరణంలో ఇది తెరకెక్కుతుంది.