ntr: 'సిద్ధార్థ్ గౌతమ్' గాను కనిపించనున్న ఎన్టీఆర్!
- ఎన్టీఆర్ హీరోగా త్రివిక్రమ్ మూవీ
- డిఫరెంట్ లుక్స్ తో ఎన్టీఆర్
- కథానాయికగా పూజా హెగ్డే
త్రివిక్రమ్ దర్శకత్వంలో ఎన్టీఆర్ 'అరవింద సమేత వీర రాఘవ' సినిమా చేస్తున్నాడు. పూజా హెగ్డే కథానాయికగా నటిస్తోన్న ఈ సినిమా ఇప్పటికే కొంతవరకూ చిత్రీకరణను జరుపుకుంది. ఈ సినిమాలో ఎన్టీఆర్ రాయలసీమ ప్రాంతానికి చెందిన 'వీరరాఘవ'గా కనిపించనున్నాడనే సంగతి తెలిసిందే. ఈ పాత్రలో ఎన్టీఆర్ రాయలసీమ యాసలోనే మాట్లాడటం .. సిక్స్ ప్యాక్ లో కనిపించనుండటం విశేషం.
అయితే ఇదంతా జరిగేది సెకండాఫ్ లోనే. ఫస్టాఫ్ లో ఎన్టీఆర్ 'సిద్ధార్థ్ గౌతమ్' పేరుతో టెక్కీగా కనిపించనున్నాడని అంటున్నారు. ఈ పాత్రలో ఎన్టీఆర్ చాలా సాఫ్ట్ గా .. కూల్ గా .. స్మార్ట్ గా కనిపిస్తాడని చెబుతున్నారు. ఈ రెండు పాత్రల మధ్య గల వేరియేషన్ ఈ సినిమాకి ప్రధానమైన బలంగా నిలుస్తుందని అంటున్నారు. దసరాకి ఈ సినిమాను విడుదల చేయాలనే ఆలోచనలో త్రివిక్రమ్ వున్నారు. 