vijay antony: మోషన్ టీజర్ తోనే దుమ్మురేపేసిన 'రోషగాడు'
- పోలీస్ ఆఫీసర్ గా విజయ్ ఆంటోని
- యాక్షన్ ప్రధానంగా సాగే కథ
- త్వరలోనే ప్రేక్షకుల ముందుకు
విజయ్ ఆంటోని సినిమా అనగానే కథాకథనాలు .. పాత్రలను మలిచే విధానం కొత్తగా వుంటాయని ప్రేక్షకులు భావిస్తుంటారు. ఆయన సినిమాలు సాధించిన విజయాల సంగతి అటుంచితే, వేటికవే వైవిధ్యభరితమైనవిగా అనిపిస్తాయి. అందువల్లనే ఆయన నుంచి ఏ సినిమా వస్తుందన్నా అంతా ఎంతో ఆసక్తిగా ఎదురుచూస్తుంటారు.
ఆయన తాజా చిత్రంగా తమిళంలో 'తిమిరు పిడిచ్చవన్' చిత్రం రూపొందుతోంది. తెలుగులో ఈ సినిమాకి 'రోషగాడు' అనే టైటిల్ ను ఖరారు చేశారు. ఈ సినిమా నుంచి తాజాగా మోషన్ టీజర్ ను రిలీజ్ చేశారు. ఈ సినిమాలో విజయ్ ఆంటోని పవర్ఫుల్ పోలీస్ ఆఫీసర్ గా కనిపించనున్నట్టు ఈ టీజర్ ను బట్టి తెలుస్తోంది. 'ఒళ్లంతా పొగరురా .. పొగరుకే మొగుడురా .. మాట పడని 'రోషగాడు'రా .. అంటూ ఈ టీజర్ ను వదిలారు. యాక్షన్ ప్రధానంగా వదిలిన ఈ టీజర్ ఆసక్తిని రేకెత్తిస్తోంది. త్వరలోనే ఈ సినిమా ప్రేక్షకుల ముందుకు రానుంది.
