harish shankar: హరీశ్ శంకర్ రంగంలోకి దిగిపోయాడు
- హరీశ్ శంకర్ నుంచి మల్టీ స్టారర్
- ఒక హీరోగా సుధీర్ బాబు
- రామ్ తో సంప్రదింపులు
మాస్ ఆడియన్స్ పల్స్ గురించి బాగా తెలిసిన దర్శకులలో హరీశ్ శంకర్ ఒకరు. 'మిరపకాయ్' .. 'గబ్బర్ సింగ్' .. 'సుబ్రమణ్యం ఫర్ సేల్' వంటి విజయాలు హరీశ్ శంకర్ ఖాతాలో వున్నాయి. అయితే ఈ మధ్య ఆయన చేసిన 'దువ్వాడ జగన్నాథం' మాత్రం ఆశించిన స్థాయిలో ఆడలేదు. ఆ తరువాత ఆయన 'దాగుడుమూతలు' అనే టైటిల్ తో ఒక మల్టీ స్టారర్ ను రెడీ చేసుకున్నాడు. ముందుగా ఈ సినిమాకి నిర్మాతగా వ్యవహరించడానికి సిద్ధమైన దిల్ రాజు, ఆ తరువాత తప్పుకున్నారు.
అయినా హరీశ్ శంకర్ ఈ ప్రాజెక్టును పక్కన పెట్టేయ లేదు. యూఎస్ లోని తన మిత్రులతో కలిసి ఈ సినిమాను నిర్మించడానికి సిద్ధమవుతున్నాడు. ఈ మల్టీ స్టారర్లో ఒక హీరోగా ఆల్రెడీ సుధీర్ బాబును తీసుకున్నాడట. మరో హీరోగా రామ్ ను ఒప్పించేందుకు ప్రయత్నాలు చేస్తున్నట్టుగా సమాచారం. వరుస పరాజయాలతో సతమతమవుతోన్న రామ్ .. హరీశ్ శంకర్ కి గ్రీన్ సిగ్నల్ ఇస్తాడో లేదో చూడాలి.
