Rajamouli: ‘అరవింద సమేత’ఫై రాజమౌళి స్పందన
- అది సాహసమైన నిర్ణయమేనని చెప్పాలి
- చాలా బాగా వర్కవుట్ అయింది
- తారక్ నటన చాలాకాలం గుర్తుండిపోతుంది
యంగ్ టైగర్ ఎన్టీఆర్, పూజా హెగ్డే జంటగా మాటల మాంత్రికుడు త్రివిక్రమ్ దర్శకత్వంలో రూపొందిన ‘అరవింద సమేత’. ఈ చిత్రం నిన్న ప్రపంచ వ్యాప్తంగా ప్రేక్షకుల ముందుకు వచ్చిన విషయం తెలిసిందే. తొలి ఆటతోనే ఈ సినిమా మంచి సక్సెస్ టాక్‌ను సంపాదించుకుంది. భారీ డైలాగులు, హాస్యాన్ని పక్కనబెట్టి తొలిసారి త్రివిక్రమ్ కథనే నమ్మి చేసిన ప్రయత్నానికి ప్రేక్షకులు నీరాజనం పలుకుతున్నారు.
ఈ సినిమాను చూసిన దర్శకధీరుడు రాజమౌళి తన స్పందనను ట్విట్టర్ ద్వారా తెలిపారు. ‘‘ఒక యుద్ధం ముగిసిన తరువాత ఒక ప్లాట్ పాయింట్‌తో సినిమాను నడిపించడమనేది త్రివిక్రమ్ తీసుకున్న సాహసమైన నిర్ణయమనే చెప్పాలి. అది చాలా బాగా వర్కవుట్ అయింది. ఆ సీన్‌లో తారక్ నటన చాలా కాలం గుర్తుండిపోతుంది. జగపతి బాబు గారి నటన అద్భుతం. అరవింద సమేత టీం మొత్తానికి శుభాకాంక్షలు’’ అని జక్కన్న ట్వీట్ చేశారు.