prabhas: అలా 'వర్షం' కథ వరంగల్ వైపు వెళ్లింది: పరుచూరి గోపాలకృష్ణ
- వీరూ పోట్ల 'వర్షం' కథ చెప్పాడు
- రాయలసీమ నేపథ్యంలో కథ రాసుకున్నాడు
- అప్పుడు నేను ఆ మార్పు చెప్పాను
ప్రభాస్ - త్రిష కాంబినేషన్లో శోభన్ దర్శకత్వంలో 2004లో 'వర్షం' సినిమా ప్రేక్షకుల ముందుకు వచ్చింది. కథాకథనాల పరంగా .. పాటల పరంగా ఈ సినిమా మంచి మార్కులు కొట్టేసింది. అద్భుతమైన విజయాలను అందుకున్న ప్రేమకథా చిత్రాల జాబితాలో ప్రథమ వరుసలో నిలిచింది. అలాంటి ఈ సినిమాను గురించి 'పరుచూరి పాఠాలు' కార్యక్రమంలో పరుచూరి గోపాలకృష్ణ ప్రస్తావించారు.
"ఈ సినిమాకి కథను వీరూ పోట్ల అందించాడు. ఆయన ఈ సినిమాను ఫ్యాక్షన్ నేపథ్యంలో చెప్పాడు. ఈ సినిమాలో ప్రేమకథ ఎక్కువగా వుంది కాబట్టి రాయలసీమ నేపథ్యంలో కాకుండా, కాకతీయుల కాలం నుంచి ప్రాధాన్యతను సంతరించుకున్న 'ఓరుగల్లు' నేపథ్యంలో అయితే బాగుంటుంది కదా అనే అభిప్ర్రాయాన్ని వ్యక్తం చేశాను. ఈ మాట వీరుతో పాటు దర్శకనిర్మాతలకు కూడా బాగా నచ్చింది. ఇలా ఈ కథను వరంగల్ వైపు నుంచి చెప్పుకుంటూ వెళ్లడం వలన ఆడియన్స్ కి బాగా కనెక్ట్ అయింది" అంటూ చెప్పుకొచ్చారు.