rajani: అమెరికాలో '2.ఓ' రికార్డు స్థాయి రిలీజ్
- విడుదలకి ముస్తాబవుతోన్న '2.ఓ'
- అత్యాధునిక సాంకేతిక పరిజ్ఞానం
- అంచనాలను పెంచిన ట్రైలర్
శంకర్ దర్శకత్వం వహించిన '2.ఓ' ఈ నెల 29వ తేదీన విడుదల కానుంది. ప్రపంచవ్యాప్తంగా పదివేల థియేటర్స్ లో తెలుగు .. తమిళ .. హిందీ భాషల్లో ఈ సినిమాను విడుదల చేయడానికి సన్నాహాలు చేస్తున్నారు. అమెరికాలోను ఈ సినిమాను 300 థియేటర్స్ లో విడుదల చేయనున్నారు.
అమెరికాలో ఈ స్థాయిలో విడుదలవుతోన్న తొలి భారతీయ చిత్రం ఇదేనని అంటున్నారు. ఈ ఘనత రజనీ సినిమాకే దక్కడం పట్ల ఆయన అభిమానులు ఆనందాన్ని వ్యక్తం చేస్తున్నారు. రజనీ .. అక్షయ్ కెరియర్లో అత్యధిక బడ్జెట్ తో నిర్మించబడిన సినిమా ఇదే. అత్యాధునిక సాంకేతిక పరిజ్ఞానంతో ఈ సినిమాను రూపొందించడంతో, వెండితెరపై ఒక మహాద్భుతాన్ని చూడనున్నట్టుగా ప్రేక్షకులు భావిస్తున్నారు. ఈ సినిమా నుంచి వచ్చిన టీజర్ .. ట్రైలర్ అంచనాలను అందుకోవడంతో, సంచలన విజయాన్ని నమోదు చేయడం ఖాయమనే అభిప్రాయాలు వ్యక్తమవుతున్నాయి.