rajani: కేరళలో విజయ్ రికార్డును చెరిపేసిన రజనీ!

29-11-2018 Thu 11:44 | Entertainment

కేరళలో అత్యధిక స్క్రీన్ లలో '2.ఓ'
'సర్కార్' కంటే ఎక్కువ స్క్రీన్లు
ఆసక్తిని చూపుతోన్న కేరళ వాసులు

రజనీకాంత్ కథానాయకుడిగా .. అక్షయ్ కుమార్ ప్రతినాయకుడిగా తెరకెక్కిన '2.ఓ' ఈ రోజునే ప్రపంచవ్యాప్తంగా ప్రేక్షకుల ముందుకు వచ్చింది. విడుదల విషయంలోనే ఈ సినిమా కొత్త రికార్డును సొంతం చేసుకుంది. కేరళలో అత్యధిక థియేటర్లలో విడుదలైన ఇతర భాషా చిత్రంగా ఇన్నాళ్లూ 'సర్కార్' పేరుతో రికార్డు వుంది. ఇటీవల ఈ సినిమా అక్కడ 412 స్క్రీన్లలో విడుదలై ఈ రికార్డును దక్కించుకుంది.

ఈ సినిమా ఈ రికార్డును సొంతం చేసుకుని ఎన్నో రోజులు కాకముందే, '2.ఓ' ఆ రికార్డును చెరిపేసింది. కేరళలో 458 స్క్రీన్లలో విడుదలైన '2.ఓ' కొత్త రికార్డును నమోదు చేసింది. 3డీ ఎఫెక్ట్స్ .. 4డీ సౌండింగ్ సినిమా కావడంతో, అక్కడివాళ్లు ఈ సినిమా చూడటానికి విపరీతమైన ఆసక్తిని చూపుతున్నారట. ఇంతవరకూ శంకర్ చేసిన సినిమాలకి మించి ఈ సినిమా ఉంటుందనీ, ఓపెనింగ్స్ విషయంలోను సరికొత్త రికార్డును క్రియేట్ చేయడం ఖాయమనే అభిప్రాయాలు వ్యక్తమవుతున్నాయి.