sumanth: తాతగారి పాత్ర కోసం హోమ్ వర్క్ చేశాను: సుమంత్
- క్రిష్ అడగ్గానే ఓకే అనేశాను
- తాతగారి సినిమాలు చూశాను
- ఈ పాత్ర కోసం బరువు తగ్గాను
సుమంత్ కథానాయకుడిగా 'సుబ్రహ్మణ్య పురం' సినిమా నిర్మితమైంది. 'సుబ్రహ్మణ్య స్వామి' ఆలయం నేపథ్యంలో సాగే ఆసక్తికరమైన కథ ఇది. ఈషా రెబ్బా కథానాయికగా నటించిన ఈ సినిమాను, ఈ నెల 7వ తేదీన విడుదల చేయనున్నారు. ఈ సినిమా ప్రమోషన్స్ లో సుమంత్ బిజీగా వున్నాడు. తాజా ఇంటర్వ్యూలో సుమంత్ మాట్లాడుతూ, ఎన్టీఆర్ బయోపిక్ లో తాను చేసిన ఏఎన్నార్ పాత్రను గురించి ప్రస్తావించాడు.
" చాలా కాలం క్రితం నుంచే దర్శకుడు క్రిష్ తో నాకు ఎంతో సాన్నిహిత్యం వుంది. తాతగారి పాత్రను చేయమని క్రిష్ అడగ్గానే నాకు చాలా ఆనందంగా అనిపించింది. ఎంత మాత్రం ఆలోచించకుండా అంగీకరించేశాను. తాతగారు చేసిన సినిమాలు .. ఆయన ఇచ్చిన ఇంటర్వ్యూలు చూశాను. ఇమిటేషన్ కి .. యాక్టింగ్ కి మధ్యలో చేయడానికి ప్రయత్నించాను. తాతగారి పాత్రను చేయడం కోసం బరువు తగ్గడమే కాదు .. హోమ్ వర్క్ కూడా చేశాను" అని చెప్పుకొచ్చాడు.