tamannah: 'దటీజ్ మహాలక్ష్మి' నుంచి టీజర్ వచ్చేసింది
- హిందీలో హిట్ కొట్టిన 'క్వీన్'
- తెలుగు రీమేక్ గా 'దటీజ్ మహాలక్ష్మి'
- త్వరలో ప్రేక్షకుల ముందుకు
కొంతకాలం క్రితం హిందీలో కంగనా రనౌత్ చేసిన 'క్వీన్' మూవీ ఘన విజయాన్ని అందుకుంది. దాంతో సౌత్ లోని ఇతర భాషల్లోను ఈ సినిమాను రీమేక్ చేస్తున్నారు. తెలుగు రీమేక్ కి ప్రశాంత్ వర్మ దర్శకత్వం వహిస్తున్నాడు. తమన్నా ప్రధాన పాత్రధారిగా చేస్తోన్న ఈ సినిమాకి 'దటీజ్ మహాలక్ష్మి'అనే టైటిల్ ను ఖరారు చేశారు. తాజాగా ఈ సినిమా నుంచి టీజర్ ను రిలీజ్ చేశారు.
రాజమండ్రి దగ్గరలోని ఓ మారుమూల గ్రామం నుంచి ఫ్రాన్స్ వెళ్లిన మహాలక్ష్మికి అక్కడ ఎలాంటి పరిస్థితులు ఎదురవుతాయనే ఆసక్తికరమైన కథాంశంతో ఈ సినిమా రూపొందుతోంది. మహాలక్ష్మి అమాయకత్వం .. రాజమండ్రిపై ఆమెకి గల ప్రేమ .. విదేశీ సంస్కృతిలో ఇమడటానికి ఆమె పడిన ఇబ్బందులనే ఈ టీజర్ లో చూపించారు. త్వరలోనే ఈ సినిమాను ప్రేక్షకుల ముందుకు తీసుకురానున్నారు.