yash: తెలుగు రాష్ట్రాల్లో లాభాలు తెచ్చిపెట్టిన 'కేజీఎఫ్'

07-01-2019 Mon 15:34 | Entertainment

కన్నడ సినిమాగా రూపొందిన 'కేజీఎఫ్'
తెలుగు .. హిందీ భాషల్లోను రిలీజ్
తెలుగు రాష్ట్రాల్లో 17 రోజుల్లో 10.29 కోట్ల షేర్

ప్రశాంత్ నీల్ దర్శకత్వంలో యష్ కథానాయకుడిగా తెరకెక్కిన 'కేజీఎఫ్', కన్నడతో పాటు తెలుగు .. హిందీ భాషల్లోను ప్రేక్షకుల ముందుకు వచ్చింది. కన్నడతో పాటు హిందీలోనూ ఈ సినిమా భారీ వసూళ్లను రాబడుతోంది. ఆ స్థాయిలో దూకుడు చూపకపోయినా, తెలుగు రాష్ట్రాల్లోను ఈ సినిమా లాభాలను తెచ్చిపెట్టింది.

ఈ సినిమా తెలుగు థియేట్రికల్ హక్కులను వారాహి చలన చిత్రం వారు 5 కోట్లకి కొనుగోలు చేసి విడుదల చేశారు. తొలివారంలో 5 కోట్లకి పైగా షేర్ ను వసూలు చేసిన ఈ సినిమా, 17 రోజులకి గాను 10.29 కోట్ల షేర్ ను వసూలు చేసింది. అలా ఈ సినిమా వారాహి చలనచిత్రం వారికి మంచి లాభాలను తెచ్చిపెట్టింది. ఈ మధ్య పెద్దగా లాభాలు రాని సినిమాలతో ఇబ్బంది పడుతోన్న వారాహి వారికి ఈ సినిమా ఊరట నిచ్చిందని చెప్పుకుంటున్నారు.