kollywood: హీరో విశాల్ కు కాబోయే భార్య ఈ అమ్మాయే!
- ఫొటోను విడుదల చేసిన అనీషా
- విశాల్ ను పెళ్లిచేసుకోబోతున్నట్లు వెల్లడి
- అనీషా తండ్రి హైదరాబాదీ వ్యాపారవేత్త
ప్రముఖ హీరో విశాల్ త్వరలోనే పెళ్లి పీటలు ఎక్కబోతున్నారని ఆయన తండ్రి జీకే రెడ్డి ప్రకటించిన సంగతి తెలిసిందే. హైదరాబాద్ కు చెందిన ఓ వ్యాపారవేత్త కుమార్తె అనీషాతో విశాల్ వివాహం జరగబోతోందని ఆయన తెలిపారు. ఈ నేపథ్యంలో విశాల్ కు కాబోయే భార్య ఎలా ఉంటారన్న ఆసక్తి అందరిలోనూ నెలకొంది. తాజాగా సంక్రాంతి వేళ ఈ సస్పెన్స్ కు అనీషా తెరదించింది.
విశాల్ తో దిగిన ఫొటోను విడుదల చేసిన అనీషా, త్వరలోనే కొత్త జీవితాన్ని మొదలుపెట్టబోతున్నట్లు తెలిపింది. ఈ మేరకు అనీషా ఇన్ స్టాగ్రామ్ లో ఓ పోస్ట్ పెట్టింది. హైదరాబాద్ బిజినెస్‌మేన్‌ విజయ్‌ రెడ్డి, పద్మజల కుమార్తె అయిన అనీషా.. అర్జున్ రెడ్డి, పెళ్లి చూపులు సినిమాల్లో నటించింది. కాగా, అనీషా ఇకపై సినిమాల్లో నటించకూడదని నిర్ణయించుకున్నట్లు సమాచారం.
