Mahesh Babu: 'మహర్షి' రెండు వారాల వసూళ్లు
- ఈ నెల 9న విడుదలైన 'మహర్షి'
- 150 కోట్లకి పైగా గ్రాస్ వసూళ్లు
- 100 కోట్ల షేర్ దిశగా పరుగులు
మహేశ్ బాబు కథానాయకుడిగా వంశీ పైడిపల్లి దర్శకత్వంలో రూపొందిన 'మహర్షి' ఈ నెల 9వ తేదీన ప్రేక్షకుల ముందుకు వచ్చింది. పూజా హెగ్డే కథానాయికగా నటించిన ఈ సినిమా, విడుదలైన ప్రతి ప్రాంతంలోను విజయ విహారం చేస్తోంది. రెండు వారాల్లో ఈ సినిమా 150 కోట్లకి పైగా గ్రాస్ ను, 90 కోట్ల షేర్ ను వసూలు చేసింది.
ఈ సినిమా 100 కోట్ల షేర్ ను రాబట్టడానికి మరెన్నో రోజులు పట్టదని అంటున్నారు. తన సిల్వర్ జూబ్లీ సినిమా ఈ స్థాయిలో ఆడటంతో మహేశ్ బాబు ఫుల్ హ్యాపీగా వున్నాడు. ఈ సినిమాతో ఆయన కొత్త రికార్డులను నమోదు చేయడం పట్ల అభిమానులు ఆనందాన్ని వ్యక్తం చేస్తున్నారు. మహేశ్ బాబు 26వ సినిమా, అనిల్ రావిపూడి దర్శకత్వంలో వుండనుందనే సంగతి తెలిసిందే. త్వరలోనే ఈ సినిమా సెట్స్ పైకి వెళ్లనుంది.
