Mahesh Babu: 200 కోట్ల క్లబ్ లోకి చేరిపోయిన 'మహర్షి'

05-06-2019 Wed 11:06 | Entertainment

మే 9వ తేదీన వచ్చిన 'మహర్షి'
27 రోజుల్లో 200 కోట్ల గ్రాస్
నైజామ్ లో అత్యధిక వసూళ్లు

మహేశ్ బాబు .. వంశీ పైడిపల్లి కాంబినేషన్లో రూపొందిన 'మహర్షి' మే 9వ తేదీన ప్రేక్షకుల ముందుకు వచ్చింది. పూజా హెగ్డే కథానాయికగా నటించిన ఈ సినిమా, విడుదలైన ప్రతి ప్రాంతంలోను విజయవిహారం చేసింది. కొత్త రికార్డులను నమోదు చేస్తూ దూసుకుపోతూనే వుంది.

ఈ సినిమా విడుదలైన 27 రోజులకి 200 కోట్ల గ్రాస్ ను రాబట్టేసి 200 కోట్ల క్లబ్ లోకి చేరిపోయింది. ఇక నైజామ్ ఏరియాలో ఈ సినిమా మహేశ్ బాబు కెరియర్లోనే అత్యధిక వసూళ్లను సాధించింది. ఆకట్టుకునే కథాకథనాలు .. కట్టిపడేసే ఎమోషన్స్ .. మహేశ్ బాబు డిఫరెంట్ లుక్స్ .. పూజా హెగ్డే గ్లామర్ ఈ సినిమాకి ప్రధాన ఆకర్షణగా నిలిచాయని అంటున్నారు. మొత్తానికి ఈ ఏడాది ప్రథమార్ధంలోనే మహేశ్ బాబు తన పేరుతో కొత్త రికార్డును నమోదు చేసేశాడు.