Raviteja: 'డిస్కోరాజా' విడుదల తేదీ ఖరారు
- విభిన్నమైన కథాంశంతో 'డిస్కోరాజా'
- అలరించనున్న ముగ్గురు కథానాయికలు
- డిసెంబర్ 20న విడుదల
విభిన్నమైన కథాకథనాలను తెరకెక్కించే దర్శకుడు వీఐ ఆనంద్, రవితేజ హీరోగా 'డిస్కోరాజా' సినిమా చేస్తున్నాడు. ఈ కథ కూడా పూర్తి వైవిధ్యభరితమైనదనే టాక్ వినిపిస్తోంది. ఇప్పటికే ఈ సినిమా చాలావరకూ చిత్రీకరణను జరుపుకుంది. ఈ సినిమా ఎప్పుడు విడుదలవుతుందా అనే ఆసక్తితో అభిమానులు వున్నారు. ఈ నేపథ్యంలో దర్శక నిర్మాతలు ఈ సినిమా విడుదల తేదీని అధికారికంగా ప్రకటించారు. డిసెంబర్ 20వ తేదీన ఈ సినిమాను భారీస్థాయిలో విడుదల చేయనున్నారు.
ఈ సినిమాలో రవితేజ సరసన ముగ్గురు కథానాయికలు కనిపించనుండటం విశేషం. పాయల్ రాజ్ పుత్ .. నభా నటేశ్ .. తాన్యా హోప్ ఆయన సరసన జత కడుతున్నారు. రామ్ తాళ్లూరి నిర్మిస్తున్న ఈ సినిమాకి తమన్ సంగీతాన్ని అందిస్తున్నాడు. మాస్ హీరోగా రవితేజ మరో భారీ విజయాన్ని సొంతం చేసుకోవడం ఖాయమనే అభిప్రాయాన్ని ఆయన అభిమానులు వ్యక్తం చేస్తున్నారు.
