Keerthi Suresh: సినిమా కబుర్లు.. సంక్షిప్త సమాచారం
- కీర్తిసురేశ్ కి లక్కీ ఛాన్స్
- అజిత్ సరసన మరోసారి నయన్
- వచ్చే నెలలో వెంకీ కొత్త చిత్రం
* కీర్తి సురేశ్ లక్కీ ఛాన్స్ కొట్టినట్టు కోలీవుడ్ సమాచారం. మాస్ డైరెక్టర్ శివ దర్శకత్వంలో రజనీకాంత్ హీరోగా ఓ చిత్రం రూపొందనున్న సంగతి విదితమే. ఇందులో కథానాయికలుగా పలువురి పేర్లు వినిపిస్తున్నాయి. తాజాగా ఓ నాయికగా కీర్తి సురేశ్ ని తీసుకుంటున్నట్టు సమాచారం.
* కథానాయిక నయనతార ఐదవసారి తమిళ స్టార్ హీరో అజిత్ సరసన నటించే సూచనలు కనిపిస్తున్నాయి. అజిత్ హీరోగా హెచ్.వినోద్ దర్శకత్వంలో బోనీకపూర్ ఓ చిత్రాన్ని నిర్మిస్తున్నారు. ఇందులో కథానాయిక పాత్రకు నయనతారను సంప్రదిస్తున్నారు.
* ప్రస్తుతం 'వెంకీ మామ' చిత్రంలో నటిస్తున్న సీనియర్ నటుడు వెంకటేశ్ తన తదుపరి చిత్రాన్ని తరుణ్ భాస్కర్ దర్శకత్వంలో చేయనున్నారు. వచ్చే నెలలో షూటింగును ప్రారంభించుకునే ఈ చిత్రానికి సంబంధించిన ప్రీ ప్రొడక్షన్ పనులు జోరుగా సాగుతున్నాయి.