Sai Tej: అదే సెంటిమెంటును ఫాలో అవుతున్న మెగా హీరో
- 'చిత్రలహరి'తో హిట్ కొట్టిన తేజు
- 'ప్రతిరోజూ పండగే'తో ప్రేక్షకుల ముందుకు
- కంటిన్యూ చేస్తున్న సెంటిమెంట్
ఆ మధ్య సాయిధరమ్ తేజ్ వరుస పరాజయాలతో ఉక్కిరిబిక్కిరి అయ్యాడు. ఒకానొక దశలో ఆయన పనైపోయిందనే టాక్ ఫిల్మ్ నగర్లో వినిపించింది. ఆ సమయంలోనే ఆయన పేరును సాయితేజ్ అని మార్చుకుంటే కలిసొస్తుందని ఎవరో చెప్పారట. దాంతో 'చిత్రలహరి' సినిమాకి ఆయన తన పేరును అలాగే వేసుకున్నాడు. ఆ సినిమా బాగానే ఆడటంతో ఆయనలో ఆ సెంటిమెంట్ బలపడింది.
తాజాగా ఆయన చేస్తున్న 'ప్రతిరోజూ పండగే' సినిమాకి కూడా టైటిల్స్ లో తన పేరును సాయితేజ్ అనే వేసుకుంటున్నాడట. అంతేకాదు ఆ తరువాత సినిమాగా రూపొందుతున్న 'సోలో బ్రతుకే సో బెటర్' అనే సినిమాలోనూ ఆయన పేరు సాయితేజ్ అనే వుంటుందట. ఇక సాయిధరమ్ తేజ్ లో 'ధరమ్' ను ఆయన పూర్తిగా పక్కన పెట్టేసినట్టేనని చెప్పుకుంటున్నారు. ఈ సెంటిమెంట్ ఎంతవరకూ కంటిన్యూ అవుతుందో చూడాలి మరి.