Pawan Kalyan: ఈ ఉద్యమంలో మిగిలిన పార్టీలు కూడా పవన్ కల్యాణ్ తో కలిసి పనిచేయాలి: జొన్నవిత్తుల, మండలి బుద్ధప్రసాద్
- 'మన నుడి-మన నది' కార్యాచరణ ప్రకటించిన పవన్
- భాష, జలవనరుల కోసం జనసేన ఉద్యమం
- మద్దతు పలికిన జొన్నవిత్తుల, మండలి
తెలుగుభాష పరిరక్షణ, నదీజలాల స్వచ్ఛ సంరక్షణ ప్రధానధ్యేయంగా జనసేనాని పవన్ కల్యాణ్ ప్రకటించిన 'మన నుడి-మన నది' కార్యక్రమానికి తాము మద్దతు ఇస్తున్నట్టు ప్రముఖ సినీ రచయిత జొన్నవిత్తుల రామలింగేశ్వరరావు, భాషాభిమాని మండలి బుద్ధప్రసాద్ పేర్కొన్నారు. భాష నశించిన రోజున జాతి కూడా నశిస్తుందని, రాజకీయాలకు అతీతంగా తెలుగు భాషను పరిరక్షించుకోవాల్సిన అవసరం ఉందని పిలుపునిచ్చారు. పవన్ నిర్ణయాన్ని స్వాగతిస్తున్నామని, మిగిలిన పార్టీలు కూడా పవన్ తో కలిసి పనిచేయాలని సూచించారు. జొన్నవిత్తుల, మండలి హైదరాబాదులో పవన్ కల్యాణ్ ను కలిసిన సందర్భంగా ఈ వ్యాఖ్యలు చేశారు.