Balakrishna: భారీస్థాయిలో 'రూలర్' ప్రీ రిలీజ్ ఈవెంట్
- 'రూలర్'గా బాలకృష్ణ
- అభిమానుల సమక్షంలో ప్రీ రిలీజ్ ఈవెంట్
- డిసెంబర్ 20వ తేదీన విడుదల
బాలకృష్ణ కథానాయకుడిగా .. భారీ బడ్జెట్ తో 'రూలర్' నిర్మితమవుతోంది. కేఎస్ రవికుమార్ దర్శకత్వం వహించిన ఈ సినిమాలో బాలకృష్ణ సరసన నాయికలుగా సోనాల్ చౌహాన్ - వేదిక నటించారు. ఈ సినిమాలో బాలకృష్ణ డిఫరెంట్ లుక్స్ తో కనిపించనున్నారు. డిసెంబర్ 20వ తేదీన ఈ సినిమాను భారీస్థాయిలో విడుదల చేయనున్నారు.
విడుదల తేదీకి ఐదు రోజులముందు .. అంటే డిసెంబర్ 15వ తేదీన ఈ సినిమా ప్రీ రిలీజ్ ఈవెంట్ ను జరపాలనే నిర్ణయానికి దర్శక నిర్మాతలు వచ్చినట్టుగా తెలుస్తోంది. అభిమానుల సమక్షంలో ఈ ప్రీ రిలీజ్ ఈవెంట్ ఘనంగా జరగాలనే అభిప్రాయాన్ని బాలకృష్ణ వ్యక్తం చేయడంతో, అందుకు తగిన విధంగా ఏర్పాట్లు చేయాలని భావిస్తున్నారట. త్వరలోనే వేదికను ఖరారు చేసి ప్రకటించనున్నారని తెలుస్తోంది.