Indian-2: భారతీయుడు-2 సెట్స్ పై మరణించినవారికి రూ.కోటి ఆర్థికసాయం ప్రకటించిన కమలహాసన్
- భారతీయుడు-2 సెట్స్ పై ప్రమాదం
- విరిగిపడిన క్రేన్
- ఇద్దరు అసిస్టెంట్ డైరెక్టర్లు, ఓ లైట్ బాయ్ దుర్మరణం
- తీవ్ర విచారం వ్యక్తం చేసిన కమలహాసన్
చెన్నై శివార్లలో భారతీయుడు-2 చిత్రం షూటింగ్ లో ప్రమాదం జరిగిన సంగతి తెలిసిందే. కమలహాసన్, కాజల్ అగర్వాల్ జంటగా శంకర్ దర్శకత్వంలో తెరకెక్కుతున్న భారతీయుడు సీక్వెల్ ప్రస్తుతం షూటింగ్ జరుపుకుంటోంది. అయితే పూనమల్లిలో కొన్ని సన్నివేశాలు తెరకెక్కిస్తుండగా, భారీ క్రేన్ విరిగిపడడంతో ఒక అసిస్టెంట్ డైరెక్టర్, ఓ లైట్ బాయ్, ప్రొడక్షన్ అసిస్టెంట్ మరణించారు. ఈ ముగ్గురి మృతికి చిత్ర కథానాయకుడు కమలహాసన్ తీవ్ర విచారం వ్యక్తం చేశారు. వారి కుటుంబాలకు రూ.కోటి ఆర్థిక సాయం ప్రకటించారు.