Rajkumar Hirani: షారుఖ్ సరసన కాజోలా? కరీనానా?
- రాజ్కుమార్ హిరానీ దర్శకత్వంలో షారుక్ సినిమా
- ఏప్రిల్ తర్వాత సెట్స్ పైకి
- వచ్చే ఏడాది విడుదలయ్యే అవకాశం
బాలీవుడ్ బాద్‌షా షారుఖ్ ఖాన్‌తో స్టార్ డైరెక్టర్ రాజ్ కుమార్ హిరానీ సినిమా తీయబోతున్నాడని చాలా కాలంగా వార్తలు వస్తున్నాయి. దీనిపై హీరో, డైరెక్టర్ తొందర్లోనే అధికారిక ప్రకటన చేసే అవకాశం ఉంది. ఈ సినిమాను ప్రత్యేకంగా కెనడా, లండన్, గుజరాత్‌లో షూట్ చేయబోతున్నారట.
ఇక, షారుఖ్ సరసన హీరోయిన్‌గా కాజోల్, కరీనా కపూర్‌‌లో ఎవరిని ఎంచుకోవాలో తేల్చుకోలేకపోతున్నారని సమాచారం. కాజోల్, కరీనా ఇద్దరూ మంచి యాక్టర్లే. పైగా తానాజీతో కాజోల్, గుడ్‌న్యూజ్ తో కరీనా ఈ మధ్య బ్లాక్‌బాస్టర్‌ హిట్స్‌ సాధించారు. మరి, వీరిలో రాజ్కుమార్ ఎవరిని ఫైనల్‌ చేస్తాడనే దానిపై షారుఖ్ అభిమానుల్లో ఆసక్తి నెలకొన్నది.