Vijay Deverakonda: మైక్ టైసన్‌తో విజయ్ దేవరకొండ బాక్సింగ్?
- ఫైటర్ మూవీలో దిగ్గజ బాక్సర్ ప్రత్యేక పాత్ర?
- పూరి జగన్నాథ్ దర్శకత్వంలో వస్తున్న కొత్త సినిమా
- విజయ్ సరసన హీరోయిన్ గా నటిస్తున్న అనన్య పాండే
వరల్డ్ ఫేమస్ లవర్ సినిమాతో నిరాశ పరిచిన విజయ్ దేవరకొండ ఇప్పుడు ’ఫైటర్‘ చిత్రంతో హిట్టు కొట్టేందుకు రెడీ అవుతున్నాడు. అంతేకాదు ఈ సినిమాతో బాలీవుడ్‌లోనూ అడుగుపెట్టబోతున్నాడు. టాలీవుడ్ స్టార్ డైరెక్టర్ పూరి జగన్నాథ్ దర్శకత్వం వహిస్తున్న ‘ఫైటర్’ పాన్ ఇండియా చిత్రంగా తెరకెక్కుతోంది. పూరి, చార్మితో కలిసి ప్రముఖ నిర్మాత కరణ్ జొహార్ నిర్మిస్తున్న ఈ చిత్రంలో విజయ్ సరసన బాలీవుడ్ యువ నటి అనన్య పాండే నటిస్తోంది.
బాక్సింగ్ నేపథ్యంలో ఈ చిత్రం తెరకెక్కుతోంది. ఇందులో విజయ్ బాక్సర్‌‌గా కనిపించబోతున్నాడని సమాచారం. అలాగే, అమెరికా దిగ్గజ బాక్సర్ మైక్ టైసన్ ఈ చిత్రంలో కీలక పాత్ర పోషింబోతున్నాడట. విలన్ పాత్రలో టైసన్ నటిస్తాడని, అతనితో విజయ్ ఫైటింగ్ చేస్తాడని సోషల్ మీడియాలో ఓ వార్త హల్ చల్ చేస్తోంది. అయితే, ఈ విషయంపై చిత్ర యూనిట్ ఇంకా ఎలాంటి ప్రకటన చేయలేదు.