Kajal Agarwal: సినిమా కబుర్లు.. సంక్షిప్త సమాచారం

 *  అందాల కాజల్ అగర్వాల్ తాజాగా మలయాళ హీరో దుల్ఖర్ సల్మాన్ తో జతకడుతోంది. డ్యాన్స్ మాస్టర్ బృంద దర్శకత్వం వహిస్తున్న తమిళ చిత్రంలో వీరిద్దరూ జంటగా నటిస్తున్నారు. ఈ చిత్రం షూటింగ్ ఈ రోజు చెన్నైలో మొదలవుతుంది.

*  రవితేజతో శ్రుతి హాసన్ మూడోసారి జోడీ కట్టనుంది. రమేశ్ వర్మ దర్శకత్వంలో రవితేజ హీరోగా రూపొందే చిత్రంలో కథానాయికగా శ్రుతి హాసన్ ను ఎంపిక చేసినట్టు తాజా సమాచారం. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు జరుగుతున్నాయి.

*  విశాల్ హీరోగా మిస్కిన్ దర్శకత్వంలో 'తుప్పరివాలన్' చిత్రానికి సీక్వెల్ రూపొందుతున్న సంగతి విదితమే. అయితే, ఈ చిత్రం సగం షూటింగ్ అయ్యాక విశాల్ కి, మిస్కిన్ కి మధ్య విభేదాలు తలెత్తడంతో దర్శకుడు ప్రాజక్టు నుంచి తప్పుకున్నాడు. ఇక ఇద్దరి మధ్య సయోధ్య కుదరకపోవడంతో, ఇప్పుడు మిగిలిన షూటింగుకి తానే దర్శకత్వం వహిస్తానని విశాల్ ప్రకటించాడు.