Sandeep Kishan: సందీప్ కిషన్ ని నాకు శర్వానంద్ పరిచయం చేశాడు: దేవ కట్టా
- దేవ కట్టా దర్శకత్వంలో వచ్చిన 'ప్రస్థానం'
- కథాకథనాల పరంగా మంచి మార్కులు
- సందీప్ కిషన్ ను దర్శకుడికి పరిచయం చేసిన శర్వానంద్
తెలుగులో సరైన హిట్ కోసం ఎదురుచూస్తున్న యువ కథానాయకులలో సందీప్ కిషన్ ఒకరు. 'ప్రస్థానం' సినిమా ద్వారా ఆయన తెలుగు తెరకి పరిచయమయ్యాడు. కథాకథనాల పరంగా ఈ సినిమా ప్రేక్షకులను ఎంతగానో ఆకట్టుకుంది. దేవ కట్టా దర్శకత్వం వహించిన ఈ సినిమా, నిన్నటితో 10 సంవత్సరాలను పూర్తి చేసుకుంది.
ఈ నేపథ్యంలో ఈ సినిమాను గురించి దేవ కట్టా మాట్లాడుతూ .. 'ప్రస్థానం' సినిమా కోసం ముందుగా సందీప్ కిషన్ ను అనుకోలేదు. సందీప్ కిషన్ పోషించిన పాత్రకిగాను ముందుగా అమెరికాకు చెందిన ఓ వ్యక్తిని తీసుకున్నాము. మరో రెండు వారాలలో షూటింగు మొదలవుతుందనగా, వ్యక్తిగత కారణాల వలన అతను ఈ ప్రాజెక్టు నుంచి తప్పుకున్నాడు. అలాంటి పరిస్థితుల్లో సందీప్ కిషన్ ను శర్వానంద్ పరిచయం చేశాడు. సందీప్ కిషన్ ఆడిషన్స్ లో తన నటనతో మెప్పించాడు. ఆ పాత్రను ఓన్ చేసుకుని ప్రేక్షకుల నుంచి మంచి మార్కులు కొట్టేశాడు" అని చెప్పుకొచ్చాడు.