Samantha: సినిమా కబుర్లు.. సంక్షిప్త సమాచారం
- సమంతకు సొంత బ్యానర్
- తమిళ చిత్రంలో నవదీప్
- స్విమ్ సూట్ గురించి అనసూయ
* పెళ్లయ్యాక కూడా సినిమాలలో నటిస్తూ తన ప్రత్యేకతను చాటుకుంటున్న కథానాయిక సమంత తాజాగా సొంత చిత్ర నిర్మాణం చేబట్టాలని నిర్ణయం తీసుకుందట. ఈ ఏడాది సొంత బ్యానర్ ను ఏర్పాటు చేసి, తొలి చిత్రాన్ని నిర్మిస్తుందట. కొత్త వారికి అవకాశాలు ఇస్తూ కథాబలం వున్న చిత్రాలని ఈ బ్యానర్ పై నిర్మిస్తుందని తెలుస్తోంది.
* యువనటుడు నవదీప్ త్వరలో ఓ తమిళ చిత్రంలో నటించనున్నాడు. అజిత్ హీరోగా వినోత్ దర్శకత్వంలో రూపొందుతున్న 'వాలిమై' చిత్రంలో నవదీప్ నటించనున్నట్టు తాజా సమాచారం.
* గ్లామరస్ యాంకర్, సినీ నటి అనసూయ తాను సినిమాలలో బికినీ ధరించడంపై క్లారిటీ ఇచ్చింది. బికినీ ధరించే విషయంలో తనకు ఎటువంటి సంకోచం లేదని తెలిపింది. తన బాడీ షేప్ దానికి సూట్ అవుతుందనుకున్నప్పుడు తప్పకుండా బికినీ ధరిస్తానని చెప్పింది.