David Warner: ఎన్టీఆర్ సినిమాలోని 'పక్కా లోకల్' పాటకు డ్యాన్స్ చేసిన క్రికెటర్ వార్నర్ దంపతులు
- ఎన్టీఆర్‌కి పుట్టిన రోజు శుభాకాంక్షలు తెలిపిన వార్నర్
- డ్యాన్స్ చేసి ఇన్‌స్టాగ్రామ్‌లో పోస్ట్
- ఎన్టీఆర్ అభిమానులను అలరిస్తోన్న వార్నర్ డ్యాన్స్
అల వైకుంఠపురములో’ సినిమాలోని ‘బుట్టబొమ్మ’ పాటకు ఆస్ట్రేలియా క్రికెటర్, ఐపీఎల్‌లో సన్‌రైజర్స్ హైదరాబాద్ జట్టు కెప్టెన్ డేవిడ్ వార్నర్ తన భార్య క్యాండీస్ వార్నర్‌తో కలిసి డ్యాన్స్ చేసి అదరగొట్టగా ఆ వీడియో బాగా వైరల్ అయిన విషయం తెలిసిందే. ఆ తర్వాత ఆయన పలు తెలుగు సినిమా పాటలకు డ్యాన్సులు చేశారు.
ఆ దంపతులు ఇప్పుడు నేను పక్కా లోకల్ పాటకు డ్యాన్ చేశారు. ఎన్టీఆర్ నటించిన 'జనతా గ్యారేజ్‌' సినిమాలో 'పక్కా లోకల్.. నేను పక్కా లోకల్' అంటూ తారక్‌తో కలిసి కాజల్‌ అగర్వాల్‌ ఓ స్పెషల్‌ సాంగ్‌లో అదిరిపోయే స్టెప్పులు వేసింది. ఇప్పుడు డేవిడ్ వార్నర్ తన భార్య క్యాండీస్ వార్నర్‌తో కలిసి చేసిన ఈ డ్యాన్స్ తారక్ అభిమానులను అలరిస్తోంది. 'హ్యాపీ బర్త్‌ డే జూనియర్ ఎన్టీఆర్.. గ్రేట్ డే' అంటూ ఆయన ఎన్టీఆర్‌కు ఈ గిఫ్టును అందించారు.