RGV: పవన్ కు రాసిన పాత లేఖను ఫ్రెష్ గా పోస్టు చేసిన వర్మ
- అప్పట్లో 'ఇజం' పుస్తకాన్ని తీసుకువచ్చిన పవన్ కల్యాణ్
- దానిపై తన అభిప్రాయాలు వెల్లడించిన వర్మ
- నాటి లేఖను తాజాగా మరోసారి పోస్టు చేసిన వైనం
జనసేన పార్టీ అధినేత పవన్ కల్యాణ్ సిద్ధాంతాలు, ఆలోచనలతో వచ్చిన 'ఇజం' అనే పుస్తకంపై దర్శకుడు రామ్ గోపాల్ వర్మ అప్పట్లో ఘాటుగానే స్పందించారు. ఆ మేరకు ఆయన పవన్ కు ఓ లేఖాస్త్రం సంధించారు. నాడు ఆ లేఖ పలు పత్రికల్లో కూడా ప్రచురితమైంది. తాజాగా ఆ లేఖను వర్మ మరోసారి పంచుకున్నారు. పవన్ కు బహిరంగ లేఖ అంటూ ఫేస్ బుక్ లో పోస్టు చేశారు. పవన్ కల్యాణ్ పుస్తకం 'ఇజం' విడుదలైన సమయంలో తాను ఈ లేఖ రాశానని, అప్పట్లో హైదరాబాద్ టైమ్స్ పత్రికలోనూ ప్రచురితమైందని వర్మ తన తాజా పోస్టులో వెల్లడించారు.
